Them go deny

Thank God say man no be God oh 

If not we for don chop sand

Thank God say e no dey man hand to determine wetin our star for be cos dem for don even move the whole star

Thank God wey dey always show up when matter critical

Thank God wey no dey leave us hopeless

As e carry our matter for head

Na so one madam go collect Angela for village

Promise papa and mama say e go train her

2years later them never even mention school talk more of to measure uniform for Angela

Na so somebody daughter dey hawk from street to market ontop hunger and torture

Third year na so motor jam Angela for the Hawking

Aunty go tell village people say Angela run follow man come leave letter for house

As God wey Sabi wipe person suffer comot, na so the people wey jam Angela na Ambassadors wey come Nigeria. Na so dem carry am, treat am and begin train am

15 years later, she land village for her papa compound

Na so papa and mama faint

Dem no recognize their pikin again

For all the people wey wish you bad

For all the katapot wey dem use envy fire you

God go turn up for your matter

And when you show up

Them go deny, them no know you again.