Domestic bambam don come again
We still never recover from the shock of the news say Saint Obi die, only to wake up to dey hear story say him suffer from Domestic violence wey show am better pepper till e die.
Saint Obi na one of the finest Bobo, superstar actor that year wey we dey act better film.
Who for think say with all him education and exposure na like this em matter go end?
The evil thing about this demon of domestic violence be say na inside secret e dey grow.
If you dey in any form of relationship and person start dey abuse you physically, mentally, emotionally in such any type of 'ally', just carry your bag dey run jeje and if your bag go even make you waste time, run leave am.
Na who dey alive dey reason other matter.
Domestic violence no dey respect age, influence, wealth, achievement, social status, education, number of children, nothing.
This matter don kill many people, e don make people kill their partner too, e don destroy marriages, destinies, careers and more.
The only solution to domestic violence na to japa from that relationship!
Comments
Post a Comment